बारा निराला’चा पुन्हा भरणार ‘बदनाम दरबार’

आश्रम 3 च्या ट्रेलरमध्ये दिसली ईशा गुप्ता

बॉबी देओल पुन्हा एकदा ‘बाबा निराला’ होऊन लोकांची मने जिंकण्यास तयार आहे. त्याची वेबसीरिज ‘आश्रम’च्या दोन सीझननंतर लोक तिसऱया सीझनची आतुरतेने प्रतीक्षा करत आहेत. परंतु आता लोकांची प्रतीक्षा संपली आहे, आश्रम 3 चा ट्रेलर प्रदर्शित करण्यात आला आहे. यात पुन्हा एकदा ‘बारा निराला’ झालेल्या बॉबी देओलचा ‘बदनाम दरबार’ भरणार आहे. ट्रेलरसोबत आश्रम 3 च्या प्रदर्शनाची तारीख जाहीर करण्यात आली आहे.

आश्रम 3 मध्ये त्रिधा चौधरीसोबत ईशा गुप्ताचा सिझलिंग अवतारही दिसून येणार आहे. ही वेबसीरिज 3 जून रोजी एमएक्स प्लेयरवर झळकणार आहे. सीरिजचे सर्व एपिसोड्स एकाचवेळी एकादिवशी प्रदर्शित केले जातील. बॉबी देओल आणि ईशा गुप्ता यांच्यासह सर्वाधिक पसंत केल्या जाणाऱया या सीरिजमध्ये अदिती पोहनकर, दर्शन कुमार, त्रिधा चौधरी, अध्ययन सुमन, सचिन श्रॉप समवेत अनेक कलाकार महत्त्वाच्या भूमिकेत दिसून येणार आहेत. ‘आश्रम 3’चे दिग्दर्शन प्रकाश झा यांनी केले आहे.