तमन्ना ‘बबली बाउंसर’च्या भूमिकेत

ओटीटीवर प्रदर्शित होणार चित्रपट

‘बरेली की बर्फी’, ‘बधाई हो’ आणि ‘राजी’ यासारखे चित्रपट निर्माण केलेले जंगली पिक्चर्स आता एक नवा चित्रपट आणणार आहे. या चित्रपटाचे नाव ‘बबली बाउंसर’ असून यात प्रसिद्ध अभिनेत्री तमन्ना भाटिया मुख्य भूमिकेत आहे. या चित्रपटाचे फर्स्ट लुक पोस्टर जारी करण्यात आले आहे. हा चित्रपट चालू वर्षी ओटीटी प्लॅटफॉर्मवर प्रदर्शित होणार आहे.

तमन्नाने इन्स्टाग्रामवर आगामी चित्रपट ‘बबली बाउंसर’चा फर्स्ट लुक पोस्टर शेअर केला आहे. तिने दोन छायाचित्रे शेअर केली आहेत. याच्या कॅप्शनदाखल ‘ओए बावले सुना क्या? आ गई है बबली बाउंसर का टाइम! दिलों को ये जोडेगी, या खूप हड्डियां तोडेगी? पता चलेगा जल्द ही’ असे नमूद केले आहे.

तमन्ना ही हिंदी तसेच दाक्षिणात्य चित्रपटसृष्टीतील प्रसिद्ध अभिनेत्री आहे. तमन्ना लवकरच चिरंजीवी आणि कीर्ति सुरेश यांच्यासाब्sात ‘भोला शंकर’ या चित्रपटात दिसून येणार आहे. हा तमिळ ऍक्शन ड्रामा चित्रपट वेदलमचा तेलगू रिमेक आहे.