टायगरच्या ‘हीरोपंती 2’चा ट्रेलर प्रदर्शित

अभिनेता टायगर श्रॉफच्या ‘हीरोपंती 2’चा ट्रेलर प्रदर्शित करण्यात आला आहे. टायगरने स्वतः देखील चित्रपटाचा ट्रेलर सोशल मीडियावर चाहत्यांसोबत शेअर केला आहे. ट्रेलरच्या कॅप्शनमध्ये त्याने ‘बबलू शोधून नव्हे तर नशीबानेच भेटतो, डबल ऍक्शन, डबल ड्रामा, डबल एंटरटेनमेंट, डबल द हीरोपंती’ असे नमूद केले आहे. अहमद खान यांच्या दिग्दर्शनात  तयार झालेला हा चित्रपट 29 एप्रिल रोजी चित्रपटगृहांमध्ये प्रदर्शित करण्यात येणार आहे. साजिद नाडियाडवाला यांनी याची निर्मिती केली आहे. या चित्रपटात टायगरसोबत अभिनेता नवाजुद्दीन सिद्दीकी देखील दिसून येणार आहे. नवाजुद्दीनची यातील भूमिका अत्यंत रंजक असल्याचे ट्रेलर पाहून जाणवते. चित्रपटात तो एका जादूगाराची भूमिका साकारत आहे. चित्रपटात अभिनेत्री तारा सुतारिया मुख्य भूमिकेत आहे. चित्रपटात तारा आणि टायगर ही जोडी पुन्हा एकदा प्रेक्षकांना पहायला मिळणार आहे. यापूर्वी हे दोघे स्टुडंड ऑफ द ईयर 2 मध्ये दिसून आले होते. टायगरच्या या चित्रपटाला अजय देवगण आणि अमिताभ बच्चन यांच्या रनवे 34 या चित्रपटाशी बॉक्स ऑफिसवर स्पर्धा करावी लागणार आहे.