Cyber Crime News : वृद्धेच्या बँक खात्यातून ७ लाख गायब

कागल : पतीच्या निधनानंतर त्यांच्या आयुष्यभराच्या कमाईची रक्कम जपून ठेवलेल्या कागल शहरातील एका वृद्ध महिलेच्या बँक खात्यावर सायबर चोरट्यांनी डल्ला मारला. अवघ्या काही तासांत पाच व्यवहारांच्या माध्यमातून तब्बल ६ लाख ९९ हजार ९७० रुपये खात्यातून परस्पर काढून घेण्यात आल्याने खळबळ उडाली आहे. याप्रकरणी कागल पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे.