दक्षिण विभागाच्या कर्णधारपदी तिलक वर्मा

वृत्तसंस्था, बेंगळूर

2026 च्या क्रिकेट हंगामातील होणाऱ्या दुलीप करंडक क्रिकेट स्पर्धेसाठी दक्षिण विभागाचा संघ रविवारी जाहीर करण्यात आला असून तिलक वर्माकडे कर्णधारपदाची जबाबदारी सोपविण्यात आली आहे. आंध्र प्रदेशचा अनुभवी क्रिकेटपटू रिकी भुईची उपकर्णधार म्हणून निवड करण्यात आली आहे.

दक्षिण विभाग संघातून करुण नायरला पुन्हा संधी देण्यात आली आहे. तसेच एस. के. रशिद, कर्नाटकाचा स्मरण आणि हैदराबादचा हिमतेज यांचा दक्षिण विभाग संघात समावेश आहे.

दक्षिण विभाग संघ : तिलक वर्मा (कर्णधार), रिकी भुई (उपकर्णधार), अभिनव तेजराणा, एस. के. रशिद, के. हिमतेजा, आर. स्मरण, एन. जगदीशन, करुण नायर, त्यागराजन, श्रेयस गोपाल, साईतेजा, टी. विजय, टी. कवीरप्पा आणि अमन खान.