आरसीबी-दिल्ली रोमांचक अंतिम लढतीसाठी ‘डब्ल्यूपीएल’ सज्ज

वृत्तसंस्था/ बडोदा

महिला प्रीमियर लीग स्पर्धेतील दोन सर्वांत रंजक संघ आज गुऊवारी येथे होणाऱ्या अंतिम सामन्यात भिडणार असून त्यात रॉयल चॅलेंजर्स बेंगळूरची कर्णधार स्मृती मानधनाकडे महिला प्रीमियर लीगमध्ये यशाच्या बाबतीत मुंबई इंडियन्सशी बरोबरी साधण्याची संधी असेल, तर दिल्ली कॅपिटल्स आपले अंतिम सामन्यातील अपयश टाळण्याचा प्रयत्न करेल.

माजी विजेत्या आरसीबीने या हंगामात एक स्वप्नवत कामगिरी केली आहे आणि कठीण परिस्थितीतही त्यांनी वारंवार चांगली कामगिरी करण्याची आणि पुनरागमन करण्याची क्षमता दाखवली आहे. याच लवचिकतेमुळे त्यांनी आपल्या मोहिमेची सुऊवात सलग पाच विजयांनी करून इतिहास रचला आणि असे करणारा तो पहिला डब्ल्यूपीएल संघ ठरला आहे. याव्यतिरिक्त संघातील एक वा दोन खेळाडूंनी गरजेच्या वेळी सातत्याने आपल्या खेळाचा स्तर उंचावला आहे आणि हाच नमुना या हंगामात नियमितपणे दिसून आला आहे.

ऑस्ट्रेलियन दिग्गज ग्रेस हॅरिसच्या हेलकावे घेतलेल्या हंगामानंतर यूपी वॉरियर्सविऊद्धच्या मागील सामन्यातील धडाकेबाज 75 धावांच्या खेळीने आठ गडी राखून मिळवलेल्या शानदार विजयाचा पाया रचला असेल, तर फारशा प्रसिद्ध नसलेल्या गौतमी नाईकच्या गुजरात जायंट्सविऊद्धच्या 73 धावांच्या खेळीने 2024 च्या विजेत्यांच्या 61 धावांच्या मोठ्या विजयात महत्त्वपूर्ण भूमिका बजावली. आरसीबी संघ आता मुंबई इंडियन्सशी बरोबरी साधण्याच्या दृष्टीने दुसऱ्या विजेतेपदाचे लक्ष्य बाळगून आहे.

मानधना, हॅरिस, जॉर्जिया वॉल आणि रिचा घोष यांच्यासह आरसीबीच्या फलंदाजांमध्ये या हंगामात सातत्याचा अभाव असला, तरी काही महत्त्वाच्या क्षणी केलेल्या वैयक्तिक योगदानांनी निर्णायक भूमिका बजावली आहे. वेगवान गोलंदाज नादिन डी क्लर्क आणि सायली सातघरे यांनी गरजेच्या वेळी चांगली कामगिरी केली आहे. दक्षिण आफ्रिकेची नादिन डी क्लर्क सध्या आठ सामन्यांत 15 बळी घेऊन या हंगामातील तिसऱ्या क्रमांकाची सर्वाधिक बळी घेणारी गोलंदाज बनली आहे. यात 22 धावांत 4 बळी ही तिची सर्वोत्तम कामगिरी आहे. ती अंतिम सामना फिरवणारी खेळाडू ठरू शकते.

आरसीबीच्या गोलंदाजीला श्रेयांका पाटील फिरकीची ताकद देते आणि हाच घटक गुजरात जायंट्सच्या मानहानिकारक पराभवात पूर्णपणे दिसून आला, जिथे तिने पाच बळी घेतले. महत्त्वाच्या क्षणी चांगली कामगिरी करणारा एक संतुलित संघ हे मानधनाच्या संघाचे वैशिष्ट्या आहे आणि दिल्ली कॅपिटल्सचे आव्हान परतवून लावण्यासाठी अंतिम सामन्यात आणखी काही खेळाडूंनी चांगली कामगिरी करावी, अशी तिला आशा असेल.

नवीन कर्णधार जेमिमा रॉड्रिग्सच्या नेतृत्वाखालील कॅपिटल्स संघ डब्ल्यूपीएलच्या मागील तिन्ही हंगामांत उपविजेता ठरल्यानंतर पहिल्या विजेतेपदासाठी उत्सुक आहे. दिल्ली कॅपिटल्सने आपल्या बलाढ्या गोलंदाजी फळीच्या जोरावर कामगिरी केली आहे, ज्यात वेगवान गोलंदाज चिनले हेन्री आणि नंदिनी शर्मा यांनी नवीन चेंडूने आपली छाप पाडली आहे. या हंगामात 16 बळी घेऊन दुसरी सर्वाधिक बळी घेणारी गोलंदाज ठरलेल्या नंदिनीने भारताच्या संघातील स्थानावर दावा केला असून अनेक महत्त्वपूर्ण स्पेल टाकून तिने उत्कृष्ट कामगिरी केली आहे.

फलंदाजीच्या आघाडीवरही दिल्ली कॅपिटल्सची फळी आता चांगली कामगिरी करू लागली आहे. गुजरात जायंट्सविऊद्धच्या एलिमिनेटर सामन्यात लिझेल लीने डावाच्या सुऊवातीला उपयुक्त योगदान दिले, तर शेफाली वर्माने आपला खराब फॉर्म मागे टाकून या दक्षिण आफ्रिकन खेळाडूसोबत अर्धशतकी भागीदारी केली. वरच्या फळीतील विश्वासार्ह फलंदाज लॉरा वोल्वार्डने संपूर्ण हंगामात संघाला आवश्यक असलेला स्थैर्य प्रदान केले आहे.

संघ : दिल्ली कॅपिटल्स-जेमिमा रॉड्रिग्स (कर्णधार), तानिया भाटिया, लुसी हॅमिल्टन, चिनले हेन्री, मारिझान कॅप, अलाना किंग, लिझेल ली, मिन्नू मणी, निकी प्रसाद, स्नेह राणा, शेफाली वर्मा, नंदिनी शर्मा, श्री चरणी, प्रगती सिंग, एडला सृजना, लॉरा वोल्वार्ड.

रॉयल चॅलेंजर्स बेंगळूर : स्मृती मानधना (कर्णधार), लॉरेन बेल, नादिन डी क्लर्क, रिचा घोष, ग्रेस हॅरिस, दयालन हेमलता, गौतमी नाईक, श्रेयांका पाटील, कुमार प्रथ्युषा, प्रेमा रावत, अऊंधती रे•ाr, सायली सातघरे, लिन्से स्मिथ, पूजा वस्त्रकार, जॉर्जिया वोल, राधा यादव.

सामन्याची वेळ : संध्याकाळी 7:30 वा.